Цікавыя арыфметычныя практыкаванні
- Які цэлы лік дзеліцца (без астатку) на любы цэлы лік, адрозны ад 0?
- Колькі існуе ўсяго трохзначных лікаў, у запiс якіх уваходзіць адзін раз лічба 5?
- Колькі ёсць двухзначных лікаў, у запісе кожнага з якіх сустракаецца хоць бы раз лічба 7?
- Колькі ёсць трохзначных лікаў, у запісе кожнага з якіх сустракаецца хаця б адна лічба 2?
- Колькі існуе двухзначных лікаў, у якіх:
а) сярод лічбаў ёсць хоць адна пяцёрка;
б) лічба дзясяткаў менш лічбы адзінак;
в) лічба дзясяткаў болей лічбы адзінак?
- Колькі чатырохзначных лікаў з рознымі лічбамі можна скласці з лічбаў 1, 2, 3, 4, у якіх лічбы 2 і 4 не стаяць побач?
- Колькі сярод цэлых лікаў ад 10 да 1000 такіх, што:
а) у іх запісе сустракаюцца роўна тры аднолькавыя лічбы;
б) у якіх кожная наступная лічба большая за папярэднюю;
в) у якіх сума лічбаў роўная 9?
- Колькі сярод цэлых лікаў ад 100 да 10 000 такіх, у запісе якіх сустракаюцца роўна 3 аднолькавыя лічбы?
- Колькі існуе розных двухзначных лікаў, усе лічбы якіх няцотныя?
- Якой лічбай заканчаецца здабытак усіх натуральных лікаў ад 1 да 81?
- Колькі нулёў стаіць у канцы здабытку ўсіх лікаў ад 10 да 25?
- Колькімі нулямі заканчваецца здабытак ад 1 да 100: 1 2 3 4 ... 100?
- У стозначным ліку 12345678901234567890 ... 1234567890 выкрэслілі ўсе лічбы на няцотных месцах. У атрыманым пяцідзесяцізначным ліку зноў выкрэслілі ўсе лічбы на няцотных месцах. Такое выкрэсліванне працягвалася да таго часу, пакуль не засталася адна лічба. Якая яна?
- Сума лічбаў двухзначнага ліку - найбольшая з адназначных лікаў, а лік дзясяткаў на 2 менш гэтай сумы. Які гэта лік?
- Сума двух лікаў роўная 51. Меншы можна атрымаць, закрэсліўшы ў большым адну лічбу.Знайдзіце гэтыя лікі.
- Знайдзіце два такія лікі, што іх сума ўтрая больш іх рознасці і ўдвая менш іх здабытку.
- Каб пранумараваць старонкі некаторай кнігі, спатрэбілася 1164 лічбы. Колькі ў гэтай кнізе старонак?
- У падручніку 296 старонак. Колькі лічбаў трэба запісаць, каб іх пранумараваць? Колькі разоў будзе выкарыстаная кожная з лічбаў?
- Прадстаўце лік 1000 васьмю аднолькавымі лічбамі і знакамі дзеянняў.
- Прадстаўце лік 24:
а) трыма васьмёркамі;
б) трыма тройкамі;
в) трыма двойкамі.
- Прадстаўце лік 30:
а) трыма пяцёркамі;
б) трыма шасцёркамі;
в) трыма тройкамі.
- Запішыце лік 31, карыстаючыся знакамі дзеянняў і:
1) пяццю тройкамі;
2) шасцю тройкамі;
3) пяццю пяцёркамі.
- Запішыце лік 100, карыстаючыся знакамі дзеянняў і:
1) пяццю адзінкамі;
2) пяццю тройкамі;
3) пяццю пяцёркамі;
4) шасцю аднолькавымі лічбамі;
5) дзевяццю рознымі значнымі лічбамі.
- Запішыце лік, які з'яўляецца сумай 13 тысяч, 12 сотняў і 11 адзінак.